Oefenprogram vir Besige Vroue

Oefenprogram vir Besige Vroue

Is tyd jou probleem? Hierdie is ‘n vinnige program waarin jy heelwat kilojoules verbrand en terselfdertyd jou bobene, heupe, boude en bo-arms opknap.

Hierdie 3 oefeninge is ook in my Fiks & Fabulous Plan. ‘n 21 Dae eetplan met oefenprogramme vir gewigsverlies. Kliek hier as jy jou lyf in topvorm wil kry: FIKS & FABULOUS

Hier is jou oefenprogram.
  • Warm op voor jy die program aanpak.
  • Doen 2 minute se kardio, soos draf op een plek of touspring ná oefening 1.
  • Doen 1 minuut se kardio nádat jy oefening 2 gedoen het.
  •    Beginners: Herhaal die program (oefening 1,2 + kardio tussenin) totdat 10 minute verby is.       Gebruik ‘n baie lae stoeltjie.

          Middelvlak: Herhaal totdat 15 minute verby is.

          Gevorderd: Herhaal totdat 25 minute verby is.

Hierdie 3 oefeninge is ook in my Fiks en Fabulous Plan. ‘n 21 Dae eetplan met oefenprogramme vir gewigsverlies. Kliek hier as jy jou lyf in topvorm wil kry: Fiks en Fabulous

Oefening 1 Sywaartse lig-hurk wat bobene en heupe werk.

A. Staan langs ‘n stewige stoel en plaas jou linkervoet sywaarts daarop. Hou jou linkerbeen reguit. Buig nou jou regterbeen in ‘n squat-posisie, met jou boude agtertoe gestoot sodat jou regterknie nie oor jou tone staan nie. Probeer om lekker diep af te buig.

 

 

 

B. Kom uit die squatposisie deur jou regterbeen reguit te maak. Lig terselfdertyd jou linkervoet van die stoel af op. Laat sak weer jou voet tot op die stoel en hurk met die regterbeen. Doen 15 herhalings. Met die laaste herhaling, hou jou linkervoet gelig en doen klein polsbewegings vir 5 tellings. Herhaal die hele oefening aan die ander kant.

 

 

Oefening 2 Trisep-afsak (trisep dip) wat agterste deel van boarms laat werk.

Sit op die stoel met jou hande langs jou op die stoel se rand. Plaas jou voete ‘n entjie voor jou en lig jou tone op. Laat sak nou jou boude van die stoel af sodat jou elmboë gebuig is en agtertoe wys. Maak jou arms reguit en lig weer jou boude tot gelyk met die stoel se sitplek. Doen 15 tot 20 herhalings.

 

Jy kan die program 2 keer per week doen én natuurlik op dae wanneer jy nie baie tyd het vir oefening nie.

Fiksheids-groete
Linda Kriel

Leave a Reply